Denıs Ten atyndaǵy qor sportshynyń jankúıerlerinen kómek surady

ALMATY. QazAqparat - Ataqty mánerlep syrǵanaýshy Denıs Ten atyndaǵy qor Instagram paraqshasynda jankúıerlerden kómek surady, dep habarlaıdy QazAqparat tilshisi.

«Qurmetti dostar! Denıs Ten stsenarııi boıynsha «Kózsiz mahabbat» fılminiń túsirilim jumystary bastaldy. Bizge Denıstiń ıdeıalaryn tıimdi júzege asyrý úshin Sizderdiń kómekterińiz qajet», - dedi qor ókilderi.

Qor ókilderi muz aıdyny shoýlaryna kelgen ár kórermennen [e-mail] elektrondy adresine foto, vıdeomaterıal jiberýin surady.

Kadrda Denıs Ten bolýy tıis.

«Bizge Denıs shoýlarynan vıdeo kerek. Ol trıbýnadan, sahnadan, daıyndyq zalynan túsirilgen bolýy múmkin», - dedi olar.

Kınorejısser Tımýr Bekmambetov Denıs Tenniń stsenarıimen jazylǵan «Kózsiz mahabbat» kınosy AQSh-ta túsiriletinin aıtqan bolatyn.

Mahabat týraly fılm Tenniń ólimine bir jyl tolatyn ýaqytta kórermenge jol tartatyn bolady.