ASTANA. KAZINFORM — Qazaqstandyq tennısshi, álemniń 362-raketkasy Denıs Evseev Chennaı (Úndistan) chellendjer týrnırin sátti bastady.
Qazaqstandyq tennısshi alǵashqy aınalymda 271-inshi, osy jarystyń 7-raketkasy, frantsııalyq Floran Baksqa qarsy keldi.
Birinshi partııada Evseev 3:1 esebimen alǵa ketkenimen, sol basymdylyqty ustap tura almady – 5:7.
Esesine ekinshisinde qarymta qaıyrdy – 6:4.
Úshinshi, sheshýshi sette qazaqstandyq sportshy breık jasap, 3:2 esebimen alǵa shyqqan mezette Baks matchty jalǵastyrýdan bas tartty.
Eki saǵat 16 mınýtqa sozylǵan básekede Evseev 1 eıspen birge 11 breık-poınttyń tórteýin óz esebine jazdy. Baks 5 eıs, 3 breıkpen (6 breık-poınt) kózge tústi.
Osylaısha, 1/8 fınalǵa joldama alǵan Denıs Evseevtiń kelesi qarsylasy keıin belgili bolady.
Eske sala keteıik, budan buryn Elena Rybakınanyń jeńisti jolyn Dohada jalǵastyra ala ma, sony jazǵan edik.
Sondaı-aq Anna Danılına álemdik reıtıngide TOP-10-ǵa qaıta kirdi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).