ASTANA. KAZINFORM — Qazaqstandyq tennısshi Denıs Evseev juptyq synda Oeırash (Portýgalııa) chellendjer týrnıriniń fınalynda óner kórsetti.
Qazaqstandyq tennısshi japonııalyq Kaıtı Ýtıdamen birge fınalda amerıkalyqtar Djordj Goldhoff — Treı Hıldebrandpen chempıondyq ataqty sarapqa saldy.
Birinshi partııada amerıkalyq jup 7:5 esebimen basym tústi.
Ekinshi sette qazaqstandyq-japonııalyq dýet qarymta qaıyrdy — 6:2. Biraq sýper taı-breıkte jeńis amerıkalyqtardyń enshisinde ketti — 10:5.
Bir saǵat 15 mınýtqa sozylǵan báseke barysynda Evseev — Ýtıda 3 eıspen birge 6 breık-poınttyń ekeýin paıdalandy. Goldhoff –Hıldebrand 2 eıs, 1 eıspen (6 breık-poınt) shekteldi.
Denıs Evseev pen Kaıtı Ýtıdanyń fınalǵa deıin jetýiniń ózin tabys dep esepteýge bolady.
Eske sala keteıik, budan buryn Denıs Evseevtiń Portýgalııadaǵy jarystyń fınalyna shyqqanyn jazǵan bolatynbyz.
Sondaı-aq Sandýǵash Kenjebaeva Antalııadaǵy jarystyń jeńimpazy atandy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).