ASTANA. KAZINFORM — Qazaqstandyq tennısshi, álemniń 404-raketkasy Denıs Evseev jekeleı synda Islamabad (Pákistan) chellendjer týrnıriniń jartylaı fınalyna ótti.
Jarystyń 4-raketkasy D.Evseev shırek fınalda álemdik reıtıngide 584-orynda turǵan shveıtsarııalyq Iohan Nıklestiń shamasyn baıqap kórdi.
Birinshi partııa shveıtsarııalyq sportshynyń enshisine jazyldy – 6:4. Budan keıin Evseev oıyn tizginin qolyna alyp, kambek jasaı bildi – 6:1, 6:3.
Saǵat jarymnan astam ýaqytqa sozylǵan báseke barysynda qazaqstandyq tennısshi 5 eıspen birge 19 breık-poınttyń jeteýin paıdalana bildi. Eıs jasamaǵan Nıkles 4 breıkpen (6 breık-poınt) shekteldi.
Denıs Evseevtiń jartylaı fınaldaǵy qarsylasy keıin anyqtalady.
Qazaqstandyq tennısshi sonymen qatar juptyq synda chehııalyq Domınık Palanmen birge búgin jartylaı fınaldyq kezdesýin ótkizedi.
Eske sala keteıik, budan buryn Islamabad týrnırinde Denıs Evseevtiń bir kúnde eki kezdesýin jeńispen túıindegenin jazǵan bolatynbyz.
Sondaı-aq 18 jastaǵy Ámir Omarhanov jeńis serııasyn 7 matchqa jetkizdi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).