Qazaqstandyq, álemniń 226-raketkasy Denıs Evseev Valensııa (Ispanııa) chellendjer týrnıriniń jartylaı fınalyna shyqty, dep habarlaıdy Kazinform.
Qazaqstandyq tennısshi shırek fınalda dúnıejúzilik reıtıngte 514-orynda turǵan ıspanııalyq Martın Landalýsemen sheberlik baıqasty.
Tartysty ótken básekede D.Evseev 7:6 (8:6), 7:6 (7:2) esebimen jeńiske jetti. Eki saǵat 13 mınýtqa sozylǵan match barysynda ol 3 eıs jasap, 7 breık-poınttyń tórteýin paıdalandy. Qarsylasy 3 eıs, 4 breıkpen (9 breık-poınt) kózge tústi.
Denıs Evseev fınalǵa shyǵý úshin álemniń 62-inshi, jarystyń 1-raketkasy, ıspanııalyq Roberto Baýtısta-Agýt nemese onyń otandasy, reıtıngte 249-satydaǵy Alehandro Moro Kanıastyń bireýimen talasady.
Eske sala keteıik, budan buryn Jibek Qulambaevanyń Úndistandaǵy jarysty sátti ótkizip jatqanyn jazǵan bolatynbyz.
Jibek Qulambaeva Bangalor (Úndistan) ITF týrnırinde jekeleı synda tartysty oıynda kort ıesi Rýtýja Boseılge ese jiberdi – 6:7 (4:7), 6:1, 1:6.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).