Denıs Evseev Ispanııadaǵy týrnırdiń fınalynan tys qaldy

<p>Qazaqstandyq, álemniń 226-raketkasy Denıs Evseev Valensııa (Ispanııa) chellendjer týrnıriniń fınalyna shyǵa almady, dep habarlaıdy <a href="Kazinform" target="_blank" rel="noopener">Kazinform</a>.</p>

Qazaqstandyq tennısshi jartylaı fınalda álemniń 62-inshi, jarystyń 1-raketkasy, ıspanııalyq Roberto Baýtısta-Agýtpen sheberlik baıqasty.

Bir saǵattan astam ýaqytqa sozylǵan kezdesýde D.Evseev 3:6, 1:6 esebimen ese jiberdi. R.Baýtısta-Agýt 1 eıspen birge 11 breık-poınttyń tórteýin paıdalandy. Qazaqstandyq sportshy eshteńemen kózge túse almady.

Degenmen, Valensııada jartylaı fınalǵa jetýiniń arqasynda Denıs Evseev qazirgi sátte ATP Live reıtıngisinde 226-dan birden 197-orynǵa kóterilip tur.

Taǵy bir qazaqstandyq Jibek Qulambaeva juptyq synda úndistandyq Rýtýja Boseılmen birge Bangalor (Úndistan) ITF týrnıriniń fınalyna shyǵa almady. Olar jartylaı fınalda taılandtyq Pýnnın Kovapıtýkted – reseılik Anna Ýrekemen kezdesti. Birinshi sette 2:6 esebimen jeńilgennen keıin qazaqstandyq-úndistandyq dýet matchty jalǵastyrýdan bas tartty.

Eske sala keteıik, budan buryn Denıs Evseevtiń Ispanııadaǵy týrnırdiń jartylaı fınalyna shyqqanyn jazǵan bolatynbyz.