Denıs Evseev Ispanııadaǵy týrnırde kambekpen jeńiske jetti

<p>ASTANA. KAZINFORM &ndash; Qazaqstandyq, álemniń 212-raketkasy Denıs Evseev Montemar (Ispanııa) chellendjer týrnıriniń ekinshi aınalymyna shyqty.</p>

Qazaqstandyq tennısshi bastapqy kezdesýin dúnıejúzilik reıtıngide 376-orynda turǵan ońtústikkoreıalyq, 20 jastaǵy Djerard Kampana Lımen ótkizdi.

Birinshi partııada koreıalyq tennısshi 6:4 esebimen basym tústi. Budan keıin Evseev oıyn tizginin qolyna alyp, kambek jasaı bildi – 6:4, 7:5.

Eki saǵat 56 mınýtqa sozylǵan asa tartysty báseke barysynda Denıs 1 eıspen birge 16 breık-poınttyń toǵyzyn paıdalandy. Lı 1 eıs, 8 breıkpen (12 breık-poınt) erekshelendi. 

Denıs Evseev shırek fınalǵa shyǵý úshin jarystyń 5-inshi, álemniń 138-raketkasy, argentınalyq Marko Trýngelıtı nemese reıtıngide 703-satydaǵy 19 jastaǵy bolgarııalyq Ilııan Radýlovtyń qaı jeńgenimen talasady. 

Eske sala keteıik, budan buryn ıÝrıı Şýkınniń ulttyq quramanyń kózdegen maqsatyna jetkeni týraly aıtqanyn jazǵan bolatynbyz.