Denıs Evseev Helsınkı týrnıriniń ekinshi aınalymyna ótti

Qazaqstandyq tennısshi, álemniń 239-raketkasy Denıs Evseev Helsınkı (Fınlıandııa) chellendjer týrnıriniń ekinshi aınalymyna ótti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.

Іrikteý saıystarynan keıin negizgi jarysqa joldama alǵan qazaqstandyq sportshy alǵashqy aınalymda álemniń 148-raketkasy, fınlıandııalyq Otto Vırtanenmen oınady.

Denıs Evseev 7:5, 6:3 esebimen basym tústi.

Saǵat jarymǵa jýyq ýaqytqa sozylǵan matchta D.Evseev 1 eıspen birge 7 breık-poınttyń úsheýin paıdalandy.

Qarsylasy 6 eıs, 1 breıkpen (4 breık-poınt) kózge tústi.

Denıs Evseev shırek fınalǵa shyǵý úshin álemniń 211-raketkasy, ıtalııalyq Stefano Travalıamen talasady.

Qazaqstannyń birinshi, álemniń 32-raketkasy Aleksandr Býblık Metts (Frantsııa) ATP 250 týrnıriniń alǵashqy aınalymynda asa tartysty matchta reıtıngte 147-orynda turǵan tájirıbeli ıtalııalyq Fabıo Fonınıge jol berdi – 6:4, 6:7 (7:9), 6:7 (5:7).

Eske sala keteıik, budan buryn Beıbit Juqaevtyń AQSh-ta kezekti jeńisine qol jetkizgenin jazǵan bolatynbyz.

Sondaı-aq Jibek Qulambaeva álem chempıonatynyń fınaldyq kezeńi kúrdeli de qyzyqty bolatynyn aıtty.

Ataqty tennısshi Qazaqstan quramasyna aq jol tiledi.