Denıs Evseev Gonkongta bastapqy kezdesýin sátti ótkizdi

<p>ASTANA. KAZINFORM - Qazaqstandyq tennısshi, álemniń 246-raketkasy Denıs Evseev Gonkong ATP 250 týrnıriniń irikteý saıysyn sátti bastady.</p>

Qazaqstandyq tennısshi jańa maýsymdaǵy alǵashqy kezdesýinde álemniń 152-inshi, osy irikteý saıystarynyń 7-raketkasy, Chılı ókili Krıstıan Garındi joldan taıdyrdy.

Birinshi partııada Denıs 6:4 esebimen basym tússe, ekinshisinde Garın qarymta qaıyrdy - 6:2.
Sheshýshi, úshinshi setti Evseev jeńispen túıindedi - 6:2.

Bir saǵat 47 mınýtqa sozylǵan tartysty matchta Evseev 5 eıs jasap, 5 breık-poınttyń úsheýin múlt jibermedi. Garın 2 eıs, 2 breıkpen (9 breık-poınt) shekteldi.

Osylaısha, Denıs Evseev irikteý saıystarynyń fınalyna joldama aldy. Kelesi qarsylasyn jeńse, negizgi dodaǵa qosylady.

Eske sala keteıik, budan buryn Mıhaıl Kýkýshkınniń Brısbende negizgi jarysqa joldama alǵanyn jazǵan bolatynbyz.