ASTANA. KAZINFORM - Qazaqstandyq tennısshi, álemniń 258-raketkasy Denıs Evseev Praga (Chehııa) chellendjer týrnıriniń irikteý saıysyn jeńispen bastady.
Qazaqstandyq tennısshi irikteýdiń jartylaı fınalynda dúnıejúzilik reıtıngide 803-orynda turǵan, jarysqa arnaıy shaqyrtý alǵan kort ıesi ıAkýb Fılıptiń meselin qaıyrdy. D.Evseev 6:3, 7:5 esebimen jeńiske jetti.
Bir saǵat 12 mınýtqa sozylǵan báseke barysynda Evseev 1 eıspen birge 11 breık-poınttyń segizin múlt jibergen joq. Fılıp 5 breıkpen (6 breık-poınt) kózge tústi.
Denıs Evseev irikteý saıysynyń fınalynda álemniń 217-raketkasy, ıspanııalyq Danıel Rınkonmen kezdesedi. Onyń jeńse, negizgi dodaǵa joldama alady.
D.Rınkon reıtıngide 332-oryndaǵy horvatııalyq Mateı Dodıgti joldan taıdyrdy – 6:3, 1:6, 6:4.
Praga jarysynyń júlde qory 91 250 eýroǵa baǵalanǵan. Jeńimpaz 12 980 eýroǵa qosa 75 reıtıngilik upaıǵa qol jetkizedi.
Eske sala keteıik, budan buryn Jibek Qulambaevanyń Germanııadaǵy jarysta úzdik shyqqanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).