Denıs Evseev Belgııadaǵy týrnırdiń negizgi kezeńine joldama aldy

<p>ASTANA. KAZINFORM &ndash; Qazaqstannyń ekinshi, álemniń 184-raketkasy Denıs Evseev Ottını-Lýven-la-Nev (Belgııa) chellendjer týrnırine joldama aldy.</p>

Qazaqstandyq tennısshi irikteý saıystarynyń fınalynda dúnıejúzilik reıtıngide 277-orynda turǵan túrkııalyq Djem Ilkelmen sheberlik baıqasty.

Bir saǵattan astam ýaqytqa sozylǵan básekede D.Evseev 6:3, 6:1 esebimen jeńiske jetti. Ol 4 eıspen birge 8 breık-poınttyń beseýin óz esebine jazdy. D.Ilkel 2 eıs, 1 breıkpen shekteldi.

Osylaısha, negizgi jarysqa joldama alǵan Denıs Evseevtiń kelesi qarsylasy keıin anyqtalady.

Taǵy bir qazaqstandyq, álemniń 262-raketkasy Mıhaıl Kýkýshkın irikteý saıystarynyń fınalynda eki saǵattan astam ýaqytqa sozylǵan tartysty kezdesýde reıtıngide 273-satydaǵy Polsha ókili Maks Kasnıkovskıge jol berdi – 6:2, 5:7, 3:6. Sóıtip Kýkýshkın negizgi kezeńge óte almady. 

Eske sala keteıik, budan buryn Aýstralııa chempıonatynda Asyljan Arystanbekovanyń jasóspirimder arasynda shırek fınalǵa shyqqanyn jazǵan bolatynbyz.