«Deni saý ult» jobasynyń arqasynda ólim-jitim 15,5 paıyzǵa tómendedi
«2022 jyldyń 7 aıynda ulttyq jobanyń is-sharalaryn iske asyrý halyq densaýlyǵynyń negizgi kórsetkishterin jaqsartýǵa múmkindik bergenin atap ótken jón. Qanaınalym júıesi aýrýlarynan bolatyn ólim-jitimniń 21,4, qaterli isikterden 8,7, tynys alý aǵzalarynyń aýrýlarynan 23 jáne týberkýlezden 12 paıyzǵa, halyqtyń jalpy ólim-jitiminiń 15,5 paıyzǵa tómendedi», - dedi mınıstr «Deni saý ult» árbir azamat úshin sapaly jáne qoljetimdi densaýlyq saqtaý» ulttyq jobasynyń birinshi jartyjyldyqtaǵy nátıjeleri jaıynda baıandaı kele.
Onyń atap ótýinshe, 2021 jyldyń qorytyndysynda ulttyq jobanyń barlyq is-sharalary oryndalyp, kórsetkishterdiń josparly mánderine qol jetkizildi.
«Jambyl, Pavlodar, Almaty oblystary men Astana qalasynda is-sharalardyń eń kóp oryndalýy jáne kórsetkishterge qol jetkizýi baıqalady. Ulttyq joba ótken jyldyń kúzinde bekitilgenin jáne 2021 jyly iske asyrý qysqa merzimde júzege asyrylǵanyn aıta ketken jón. Sondyqtan birqatar óńirler josparly kórsetkishterge qol jetkize almady. Soǵan baılanysty óńirlerdiń basshylarynan kórsetkishterge qol jetkizýdi jáne 2022 jylǵy is-sharalardyń oryndalmaýyna jol bermeýdi suraımyn», - dedi Ajar Ǵınııat.