Dene shynyqtyrý jáne sport salasynda memlekettik qyzmetter reglamentteri bekitildi - QR MSM
Qazaqstan Respýblıkasy Mádenıet jáne sport mınıstrliginiń buıryǵy №176
2015 jylǵy 14 mamyr, Astana qalasy
Dene shynyqtyrý jáne sport salasynda memlekettik kórsetiletin qyzmetter reglamentterin bekitý týraly
«Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasy Zańynyń 10-baby 2) tarmaqshasyna sáıkes buıyramyn:
1. Qosa berilip otyrǵan:
1) osy buıryqqa 1-qosymshaǵa sáıkes «Respýblıkalyq jáne óńirlik sport federatsııalaryna akkredıtteý týraly kýálik berý» memlekettik kórsetiletin qyzmet reglamenti;
2) osy buıryqqa 2-qosymshaǵa sáıkes «Sportshylar men jattyqtyrýshylarǵa ómir boıy aı saıynǵy materıaldyq qamsyzdandyrýdy tóleý» memlekettik kórsetiletin qyzmet reglamenti;
3) osy buıryqqa 3-qosymshaǵa sáıkes «Qazaqstan Respýblıkasynyń eńbek sińirgen sport sheberi», «Qazaqstan Respýblıkasynyń halyqaralyq dárejedegi sport sheberi», «Qazaqstan Respýblıkasynyń sport sheberi», «Qazaqstan Respýblıkasynyń eńbek sińirgen jattyqtyrýshysy» sporttyq ataqtaryn jáne biliktiligi joǵary deńgeıdegi joǵary sanatty jattyqtyrýshy, biliktiligi orta deńgeıdegi joǵary sanatty jattyqtyrýshy, biliktiligi joǵary deńgeıdegi joǵary sanatty ádisker, biliktiligi orta deńgeıdegi joǵary sanatty ádisker, biliktiligi joǵary deńgeıdegi joǵary sanatty nusqaýshy-sportshy, joǵary sanatty ulttyq sport tóreshisi, ulttyq sport tóreshisi biliktilik sanattaryn berý» memlekettik kórsetiletin qyzmet reglamenti bekitilsin.
2. «Qazaqstan Respýblıkasy Sport jáne dene shynyqtyrý isteri agenttigi kórsetetin memlekettik qyzmetter reglamentterin bekitý týraly» Qazaqstan Respýblıkasy Sport jáne dene shynyqtyrý isteri agenttigi tóraǵasynyń 2014 jyly 4 naýryzdaǵy № 72 buıryǵynyń (Normatıvtik quqyqtyq aktilerdi memlekettik tirkeý tiziliminde № 9230 tirkelgen, 2014 jyly 25 qyrkúıekte № 187 (28410) «Egemen Qazaqstan» gazetinde; 2014 jyly 25 qyrkúıekte
№ 187 (27808) «Kazahstanskaıa pravda» gazetinde jarııalanǵan) kúshi joıyldy dep tanylsyn.
3. Qazaqstan Respýblıkasy Mádenıet jáne sport mınıstrligi Sport jáne dene shynyqtyrý isteri komıteti (E.B.Qanaǵatov) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýyn;
3) osy buıryq resmı jarııalanǵannan keıin Qazaqstan Respýblıkasy Mádenıet jáne sport mınıstrliginiń ınternet-resýrsyna ornalastyrýdy;
4) osy tarmaqpen kózdelgen is-sharalardyń oryndalýy týraly málimetterdi is-sharalardy oryndaǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasynyń Mádenıet jáne sport vıtse-mınıstri S.J.Musaıbekovke júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Mádenıet jáne sport mınıstri A.MUHAMEDIULY.
Qujattyń qosymshasy resmı BAQ-ta jarııalandy.