Dene shynyqtyrý sabaǵyn shaǵyn toptarǵa bólmeý sebebi qandaı
«Jańa oqý jylynda 1-11 synyp aralyǵyndaǵy balalar aptasyna 3 saǵat dene shynyqtyrý sabaǵyn ótedi. Ótken jyldary da osylaı bolǵan. Munda eshqandaı ózgeris joq. Jańa oqý jylynan bastap memlekettik bilim berý standartyna sáıkes dene shynyqtyrý sabaǵynda synyp shaǵyn toptarǵa bólinbeıdi. Bul rette mektep baǵdarlamalarynda qyzdar men uldardyń dene shynyqtyrý jattyǵýlarynyń jekelegen normatıvteri bar, olar sabaqta mindetti túrde saqtalýy tıis. 2021 jyldan bastap úıirmeler men sport sektsııalaryna memlekettik tapsyrysty ornalastyrý múmkindigi qarastyrylǵanyn aıta ketken jón. Tıisti mınıstrlik jelisi arqyly sporttyq tapsyrys ornalastyrylady. Munyń barlyǵy sportpen shuǵyldanýǵa jaǵdaı jasap otyr», - dep atap ótti mınıstrlikten QazAqparat saýalyna oraı.
Vedomstvo málimetinshe, halyqaralyq tájirıbede de (Japonııa, AQSh, Germanııa, Koreıa, Fınlıandııa jáne t.b.) dene shynyqtyrý sabaǵynda qyzdar men uldar bólek oqytylmaıdy. Kóptegen shet elde dene shynyqtyrý sabaqtary aptasyna keminde úsh ret ótkiziledi, eń kóp saǵattar bastaýysh mektepte.
Sonymen synypty toptarǵa bólý mynadaı sebepterge baılanysty toqtatyldy:
- mektepterdiń kópshiliginde bir sport zaly bar. Onda bir sabaqta 2-3 synyp, ıaǵnı 4-6 shaǵyn topqa deıin bolady. Olarǵa bir ýaqytta 6 muǵalimge deıin sabaq beredi. ıAǵnı mundaı sabaqtarda eshqandaı sapa joq. Pán kóbinese sabaq kestesine sáıkes kelmeıdi;
- sport alańdarynyń kópshiligi jabdyqtalýy men qaýipsizdigi jaǵynan zamanaýı talaptarǵa saı emes (úıde jasalǵan sport qural-jabdyǵy paıdalanylady, qorshaýsyz bolady);
- respýblıkada sport zaldary joq nemese standartqa saı emes ǵımarattarda ornalasqan mektepter bar, nátıjesinde sanıtarlyq normalar men talaptar buzylady. Bul oqýshylardyń densaýlyǵyna keri áserin tıgizedi.
«Elimizdiń mektepterinde 30 myńnan astam dene shynyqtyrý pániniń muǵalimi bar. Olar 175 myńnan astam synyp jınaǵynda jumys isteıdi. Bul aptasyna shamamen 528 myń saǵat, ıaǵnı ár muǵalim bir stavkadan artyq jumys isteı alady», - dedi vedomstvodan.
Buǵan deıin Qazaqstandyq salalyq bilim jáne ǵylym qyzmetkerleri kásipodaǵy dene shynyqtyrý pánin oqytýda synypty toptarǵa bólmeý jumys isteıtin pedagogtar sanynyń qysqarýyna ákeletindigin aıtyp, dabyl kótergen bolatyn. Osy jaıtqan oraı QR Oqý-aǵartý mınıstri Ashat Aımaǵambetov te pikir bildirgen edi.