«Dene shynyqtyrý» páni bilim berý standarttarynan alynbaıdy
Bul týraly Abaı atyndaǵy QazUPÝ tóraǵasynyń mindetin atqarýshy rektor Takır Balyqbaev aıtty, dep habarlaıdy QazAqparat tilshisi.
«Dene shynyqtyrý» páni Memlekettik jalpyǵa mindetti bilim berý standarttarynan alynyp tastalýy múmkin degen aqparat shyndyqqa janaspaıdy. Búgingi kúni mundaı buıryq joq jáne bul másele naqty talqylanyp jatqan joq», - deıdi Abaı atyndaǵy QazUPÝ tóraǵasynyń mindetin atqarýshy rektor Takır Balyqbaev.
Onyń aıtýynsha, sarapshylar men oqytýshylar tarapynan myqty sheshimder, al keıde tipti qısynǵa kelmeıtin usynystar túsip otyrady.
«Biraq, qazirgi ýaqytta ýnıversıtetter akademııalyq erkindikke ıe, sondyqtan mundaı máselelerdi derbes, ýnıversıtet deńgeıinde sheshetin múmkindigi bar. Bul suraqqa tipti kez kelgen joǵary oqý ornynyń akademııalyq departamenti de jaýap bere alady», - deıdi ol.