Dendrosaıabaqtaǵy velojol buzylady: Shymkent ákimdigi jelide taraǵan aqparatqa jaýap berdi

ShYMKENT. QazAqparat-Shymkent qalasynyń ákimdigi dendrosaıabaqtaǵy velojoldyń buzylýyna qatysty áleýmettik jelide taraǵan aqparattyń shyndyqqa janaspaıtynyn málimdedi, dep habarlaıdy QazAqparat tilshisi.

Jýyrda velosıpedshiler dendrosaıabaqtaǵy velojoldy buzyp, ornyna júrginshiler jolyn salý kerek degen turǵyndardyń usynysyna qarsylyq bildirip, úndeý jarııalaǵan bolatyn.

Bul jaıynda áleýmettik jelide de keńinen sóz boldy.

Al, ákimdik tarapynan berilgen resmı jaýapta velojoldyń buzylýyna qatysty aqparattyń shyndyqqa janaspaıtyndyǵy aıtylǵan.

«Asanbaı Asqarov atyndaǵy dendrosaıabaqta 2020 jyly qala turǵyndarynyń salaýatty ómir saltyn qalyptastyrýy úshin salynǵan velojol ary qaraı da saıabaqqa kelýshiler úshin qyzmet etetindigin habarlaımyz. Qala turǵyndarynan áleýmettik jelide paıda bolǵan jalǵan aqparatqa emes, tek, memlekettik organdardyń resmı málimdemelerine ǵana qulaq asýǵa shaqyrady», delingen ákimdik taratqan aqparatta.

Búginde demalys aımaǵynda 6,5 shaqyrymdy quraıtyn velojol men 1164 metr bolatyn júgirý jolaqtary bar.