Dendrosaıabaqtaǵy órtten aǵashtarǵa zaqym kelgen joq – Shymkent ákimdigi

ShYMKENT. QazAqparat - A.Asqarov atyndaǵy Shymkent memlekettik dendrologııalyq saıabaǵynda órttiń aldyn- alý sharalary kúsheıtilgen tártipte júrgizilýde, dep habarlaıdy QazAqparat tilshisi.

Qazirgi deıin órt qaýipi bar 8 gektar jerde tazalaý jumystary júrgizilgen. Táýlik boıy kezekshilik uıymdastyrylyp, jasyl jelek aımaǵy baqylaýǵa alynǵan. Saqtyq sharasy maqsatynda 2 sý tasymaldaý kóligi ázirlengen.

«Aptap ystyqtan órt qaýpiniń basymdylyǵyna baılanysty qýraǵan shópterdi tazalaý jumystaryna qosymsha 150-ge jýyq adam jumyldyryldy. 85 shóp orǵysh tehnıka jáne 12 dana kólik kómegimen dendrosaıabaqtyń aýmaǵynda 5 arnaıy top órt qaýipsizdigin qamtamasyz etýde», delingen qalalyq ákimdik tarapynan taratylǵan habarlamada.

Shymkent qalalyq jaıly ortany damytý basqarmasy mamandarynyń aıtýynsha, kúni búginge deıin dendrosaıabaqta órt saldarynan aǵashtarǵa zaqym kelmegen.

Qazirgi kezde saıabaq aýmaǵyndaǵy jasyl –jelek sany 100,5 myń danadan asady. Aımaǵynda Qazaqstannyń qyzyl kitabyna engen aǵashtyń 10 túri bar. Olar órik, ile bóriqaraqaty, kavkaz taýdaǵany, zeravshan arshasy, nedzvetsııa almasy, sıvers almasy, soǵdy shaǵany, aq torańǵyl, jabaıy júzim, taý pistesi. Sondaı-aq, sırek kezdesetin aǵashtardyń 96 túri bar.

Aıta keteıik, keshegi kúni Shymkenttegi dendrobaqta órt shyqqan bolatyn.