Deni saý urpaqty ómirge ákelý úshin júkti áıelder neni bilgeni durys

<p>ALMATY. KAZINFORM &ndash; Áıelderde saý júktilik pen deni saý balany ómirge ákelý múmkindigin arttyratyn is-qımyl josparyn ázirleý úshin akýsher-gınekologten ýaqtyly keńes alý mańyzdy. Bul týraly Almaty qalasynyń №2 perınataldyq ortalyǵynyń akýsher-gınekolog dárigeri Maqsat Jeksembıev aıtyp berdi.</p>

Dárigerdiń aıtýynsha, júktilik kezinde folıı qyshqyly mańyzdy ról atqarady.

“Ony júktiliktiń basynda qabyldaý nárestede julyn gryjasy jáne anentsefalııa sııaqty júıke tútiginiń aqaýlarynyń damý qaýpin azaıtady. Sonymen qatar, folıı qyshqyly anemııanyń jáne basqa máselelerdiń aldyn alý arqyly ananyń densaýlyǵyn saqtaýǵa kómektesedi”, - deıdi akýsher-gınekolog.

Foto: Almaty qalasy qoǵamdyq densaýlyq saqtaý basqarmasy

Ol gravıdaraldy daıyndyq kezinde dárigerge sozylmaly aýrýlar týraly aıtý, sondaı-aq, olardyń júktilikke áserin jáne qajetti saqtyq sharalaryn qabyldaýdy qosa alǵanda, dárigermen barlyq aspektilerdi talqylaý mańyzdy.

“Balaǵa qaýip-qaterdi azaıtý úshin emdeýdi beıimdeý nemese dári-dármektiń mólsherin ózgertý qajet bolýy múmkin. Sonymen qatar, densaýlyqty saqtaý jáne júktilik kezinde dıeta, fızıkalyq belsendilik jáne ózin-ózi kútýdiń basqa aspektileri týraly dárigerdiń usynystaryn oryndaý mańyzdy”, - dep atap ótti Maqsat Jeksembıev.

Eske salsaq, Almatydaǵy júktilikti qorǵaý ortalyǵynda kórsetiletin qyzmet túrlerin jazǵanbyz.