Deni saý, qolynan is keletin adam ózi aqsha jınap páter alǵany durys - mınıstr

<p>Ónerkásip jáne qurylys mınıstri Qanat Sharlapaev Májilis depýtaty Dáýlet Muqaevtyń &laquo;Otbasy bank&raquo; ıpotekalaryna balama baǵdarlama shyǵarý týraly usynysyna jaýap berdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Shatasý bolmas úshin aıtaıyn, denińiz saý, jumysqa qabiletti adam bolsańyz, páterge aqsha jınaısyz. Men túsinem, árkimniń jaǵdaıy árqalaı. Biraq memleket turǵysynan qaraǵanda, múgedek balalar men deni saý adamnyń qaısyna basymdyq berý kerek degen suraq týyndasa, keshirersiz, men múgedek balalardy tańdaımyn. Osy paıymdy ustanýymyz kerek dep oılaımyn», - dedi vedomstvo basshysy.

Mınıstrdiń paıymynsha, elimizde deni saý adamnyń baspanaly bolýyna tolyq múmkindik bar. Tek qarjylyq turǵyda saýatty bolý kerek.

«Siz balama baǵdarlama kerek deısiz. Qoldanystaǵy baǵdarlamalar jetip jatyr. Bir ǵana jaýap aıtam, qarjylyq turǵydan saýatty bolyp, aqsha jınaqtaý kerek. Sol aqshamen qoldanystaǵy baǵdarlamalardyń ıpotekasyn alýǵa talpynǵan durys», - dedi Qanat Sharlapaev.