Demografııalyq saıasattyń jańa tujyrymdamasyn ázirleý usynyldy

<p>ASTANA. KAZINFORM &ndash; Qazaqstannyń 2050 jylǵa deıingi demografııalyq saıasatynyń tujyrymdamasyn ázirleý usynyldy. Usynysty Senat depýtaty, Qazaqstan Respýblıkasy Parlamenti Senatynyń Áleýmettik-mádenı damý jáne ǵylym komıtetiniń múshesi Ásem Rahmetova jasady.</p>

«Demografııaǵa tikeleı áseri bar taǵy bir faktor – ult saýlyǵy. Táýelsizdiktiń alǵashqy jaldarynda halyqtyń ólim-jitimi men ómir súrý uzaqtyǵynda aıtarlyqtar ózgerister boldy. Ortalyq Azııanyń basqa elderimen salystyrǵanda Qazaqstanda ólim-jitim deńgeıiniń joǵary kórsetkishteri baıqalady», - dedi Ásem Rahmetova Senatta ótken Úkimet saǵatynda.

Sondaı-aq, halyq qalaýlysy elimizdegi ólim-jitimniń basty sebepterin atady. Onyń ishinde qan aınalym júıesi aýrýlarynan (22,7%), qaterli isikten (8,4%), jol apatynan (24,3%) jáne tynys alý organdary dertinen (9,8%).

«Odan bólek, azamattardyń reprodýktıvti densaýlyǵy men psıho-emotsııanaldyq jaı-kúıi taǵy bar. Osy oraıda quzyrly organdar salaýatty ómir saltyn saqtaýǵa jalpy halyqty yntalandarýdyń keshendi sharalaryn kúsheıtkeni jón», - deıdi ol.

Ásem Rahmetova sózin qorytyndylaı kele, Úkimet pen quzyrly memlekettik organdardyń nazaryna kelesi sharalardy qabyldaýdy usyndy:
1. Demografııalyq saıasatty iske asyrýǵa, ony memlekettik josparlaý júıesine engizýge jaýapty memlekettik organdy aıqyndaý;
2. Qazaqstannyń 2050 jylǵa deıingi demografııalyq saıasatynyń tujyrymdamasyn ázirleý;
3. Qoldanystaǵy otbasylyq-demografııalyq, kóshi-qon, ekonomıkalyq saıasat sheńberinde demografııalyq teńgerimsizdik problemalaryn eńserý boıynsha keshendi sharalardy qabyldaý;
4. Demografııany damytý boıynsha óńirlik baǵdarlamalardy ázirleý;
5. Salaýatty ómir saltyn ustaný, reprodýktıvti densaýlyqty qoldaý boıynsha sharalardy qarastyrý.