Demografııalyq saıasatty basqarýdyń memlekettik strategııasyn ázirleý kerek – Tamara Dúısenova

<p>ASTANA. KAZINFORM &ndash;&nbsp; Jyl saıyn memlekettik bıýdjetten járdemaqy alatyn otbasylar artyp keledi. Bul týraly Senatta demografııalyq ósý taqyrybyna arnalǵan Úkimet saǵatynda Premer-Mınıstrdiń orynbasary Tamara Dúısenova aıtty.</p>

«Densaýlyq saqtaý salasyndaǵy ózgerister týý deńgeıi men ómir súrý uzaqtyǵynyń ósýine yqpal etti. Ana men balany qoldaýdyń birtutas áleýmettik júıesi de óz jemisin berdi. ıAǵnı, balabaqshamen qamtamasyz etý, jumys isteıtin analarǵa qarastyrylǵan jeńildikter, sondaı-aq bala dúnıege kelgennen bastap kámeletke tolǵanǵa deıin beriletin memlekettik tólemaqylar elimizde kópbalaly otbasylar sanynyń ósýine alyp keldi. Máselen, jyl saıyn memlekettik bıýdjetten járdemaqy alatyn balalardyń sany artyp keledi», - dedi T.Dúısenova.

Onyń aıtýynsha, byltyr otbasylardy qoldaýǵa memleket bıýdjetinen 1 trln teńge qarajat jumsaldy.

«Júrgizilgen reformalar men atqarylǵan sharalardyń nátıjesinde Qazaqstan halqynyń sany 20 mln-ǵa jetti. Halqymyzdyń 30 paıyzy balalah, 58 paıyzy jumys jasyndaǵy azamattar, al 11 paıyzy – qarttar. Bul óz kezeginde óte jaqsy kórsetkish ekenin atap ótken jón», - dedi Úkimet basshysynyń orynbasary.

Onyń sózine qaraǵanda, bıyl aýyldarda alǵashqy kómek jasaıtyn 655 medıtsınalyq uıym qurylady.

«Bilim sapasyn kóterý maqsatynda bul salaǵa qarastyrylǵan qarajat byltyr 5,5 trln teńgege jetip, jalpy ishki ónimniń 4,6 paıyzyna teń boldy. Salanyń ınfraqurylymyn keńeıtý jáne zamanaýı bilim oshaqtarynyń júıesin qalyptastyrý maqsatynda Úkimet «Jaıly mektep» ulttyq jobasyn iske asyrýdy bastady. Bıyl jáne keler jyly 369 mektepti tapsyramyz», - dedi T.Dúısenova.

Premer-Mınıstrdiń orynbasary demografııalyq saıasatqa qatysty tıisti strategııany ázirleý kerek ekenin aıtty.

«Ońtústik óńirlerde halyq tyǵyz ornalassa, al soltústikte turǵyndar sany az. Sarapshylardyń esepteýine súıensek, 2050 jylǵa qaraı ońtústik óńirlerde halyqtyń 50 paıyzy turady. Al soltústik óńirlerde bul kórsetkish tómen. Sondyqtan demografııalyq saıasatty basqarýdyń orta jáne uzaq merzimdi memlekettik strategııasyn ázirleý ýaqyty jetken sııaqty. Búgingi talqylaýdan keıin osy máseleni qarastyrýǵa qatysty usynys jasaý kerek bolady», - dedi ol.

Budan buryn habarlanǵandaı, Úkimet saǵatynda Senat tóraǵasy Máýlen Áshimbaev aýyldarda adam sanyn saqtap qalý strategııalyq maqsat ekenin atap ótti.