Demeýshiler pavlodarlyq jedel járdemge 45 mln teńge turatyn ınkýbator satyp áperdi

<p>PAVLODAR. KAZINFORM - Oblystyq jedel járdem stansasynyń quramyna kiretin qyzmetke jańa kólik ınkýbatory berildi. Quny 45 mıllıon teńge turatyn medıtsınalyq apparat demeýshiler esebinen satyp alynǵan.</p>

Jedel járdem bazasynda jańa jabdyqtar tanystyryldy. Onyń biri – jańa týǵan sábılerdi tasymaldaýǵa arnalǵan kólik ınkýbatory. 

Foto: Oblystyq jedel járdem stansasy

Statıstıkaǵa súıensek, ⁠byltyr pavlodarlyq medavıatsııa 373 ótinimdi oryndaǵan. Onyń ishinde 100 jaǵdaıda salmaǵy 700-den 1500 gramǵa deıingi sábılerdi tasymaldaǵan.

«Shala týǵan nárestelerge nemese aýyr patologııamen týǵan balalarǵa qaýipsizdikti qamtamasyz etý úshin kólik ınkýbatory qajet. Mundaı kıývez aýa temperatýrasyn, otteginiń kontsentratsııasyn, salystyrmaly ylǵaldylyqty baqylaýǵa, sondaı-aq tynys alý terapııasyn júrgizýge múmkindik beredi», - deıdi medavıatsııa meńgerýshisi Almagúl Besembınova.

Jańa jabdyqtyń quny 45 mln teńge turady. Ony stansaǵa demeýshiler satyp alyp berdi. 

Foto: Oblystyq jedel járdem stansasy

Eske sala keteıik, Pavlodarda analardyń úı jaǵdaıynda bosanýy beleń alyp barady. 

Foto: Oblystyq jedel járdem stansasy