Demeý Jadyraevqa azdaǵan eptilik jetpeı qaldy — bas bapker

<p>PARIJ. KAZINFORM — Parıjde ótip jatqan Olımpıada oıyndarynda grek-rım kúresinen ulttyq quramanyń bas bapkeri ıÝrıı Melnıchenko jarystan keıin Demeý Jadyraevtyń fınaldaǵy beldesýi jaıynda pikir bildirdi. </p>

«Jadyraev baryn salyp kúresti. Sońyna deıin tyrysyp baqty. Ókinishke qaraı, sáttilik jetispedi. Keı kezderi tepe-teńdik saqtaı almaı qaldy. Qarsylasy eptilik jaǵynan basymdyq tanytty. Fızıkalyq turǵydan da myqty boldy. Qansha degenmen álemdik deńgeıdegi qarsylas. Kúmis te jaman júlde emes qoı. Demeý Olımpıadanyń fınalyna deıin jetti. Qoldaý kórsetkenderdiń bárine rızamyn», — dedi bas bapker ıÝrıı Melnıchenko.

Al jarystan keıin Demeý Jadyraevtyń ózi suhbat berýden bas tartyp, kıim aýystyrý bólmesine kirip ketti.

Aıta keteıik, Demeý Jadyraev fınalda japonııalyq Nao Kýsakadan 5:2 esebimen utylyp, Parıj Olımpıadasynyń kúmis júldesin qanaǵat tutty. 

Esterińizge sala ketsek, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi.

Oıynǵa álemniń 205 elinen 10 500 sportshy qatysýda. Olımpıadashylar 32 sport túrinen 329 medal jıyntyǵyn sarapqa salyp jatyr.

Endi sanaýly sátterden keıin bokstan erler arasynda 80 keli salmaqta Nurbek Oralbaı sharshy alańǵa shyǵady.

Ol ýkraınalyq Aleksandr Hıjnıakpen altynǵa talasady.