Demeý Jadyraev: Eshbir kezdesýim ońaı bolǵan joq

<p>ASTANA. KAZINFORM &ndash; Grek-rım kúresinen Parıj Olımpıadasynyń fınalyna shyqqan Demeý Jadyraev shaǵyn suhbat berip, búgingi jekpe-jekterin qorytyndylady, dep jazady Olympic.kz.</p>

«Olımpıada oıyndary bolǵandyqtan, eshbir beldesý ońaı bolǵan joq. Eshkimdi bólip-jarmaımyn. Tórtkúl dúnıe kóz tikken jarys, sondyqtan jaýapkershilik júgi aýyr.

Áli de bosańsýǵa bolmaıdy. Erteń fınalda jolyǵatyn japondyq balýanmen buryn kezdesip, jeńilgen edim.

Al jartylaı fınaldaǵy ázerbaıjandyq sportshymen oqý-jattyǵý jıyndarynda kúresip júrmiz. Osy beldesýde bas bapker ıÝrıı Melnıchenkonyń qoıǵan taktıkasymen kúrestim. Bári oıdaǵydaı shyqty.

Qoldaýlaryńyzǵa rahmet. Endi fınaldy kútemiz», - dedi Jadyraev.

Aıta keteıik, Jadyraev jartylaı fınalda ázerbaıjan jigiti Sanan Sýleımanovpen beldesip, qarsylasyn 6:1 esebimen utty. Osylaısha, Parıj Olımpıadasynyń fınalyna shyqty.

Esterińizge sala keteıik, Demeý Jadyraev shırek fınalda eki dúrkin álem chempıony, Tokıo oıyndarynyń kúmis júldegeri qyrǵyzstandyq Aqjol Mahmýdovpen beldesip, 3:1 esebimen basym tústi.