Demalys kúnderi ońtústikte 46 gradýsqa deıin aptap ystyq saqtalady

NUR-SULTAN. QazAqparat - Qazgıdromet sınoptıkteri 23-25 shilde aralyǵyna arnalǵan aýa raıy boljamyn usyndy, dep habarlaıdy QazAqparat.

Respýblıka aýmaǵynyń basym bóliginde áli de turaqsyz aýa raıy saqtalady — jańbyr jaýady.

25 shildede eldiń soltústik-batysynda qatty jańbyr jaýyp, naızaǵaı jarqyldaıdy, daýyl soǵyp, burshaq jaýady.

Elimizdiń ońtústik-shyǵysynda ǵana úsh kún boıy jaýyn-shashynsyz aýa raıy saqtalady, Qazaqstannyń ońtústiginde shańdy daýyl boljanady.

Kúndizgi ýaqytta respýblıkanyń batys jartysynda aýa temperatýrasy +27 +42°S-tan +23 +35°S-qa deıin tómendeıdi.

Al eldiń soltústik-batys, ortalyq óńirlerinde aýa temperatýrasy azdap kóteriledi: munda termometrler + 25 +38°S belgisine jetedi, respýblıkanyń soltústiginde, shyǵysynda bolsa temperatýralyq fon +22 +30°S-qa, ońtústiginde, ońtústik-shyǵysynda +34 + 46°S deıin óte qatty ystyq saqtalady.