Demalys kúnderi elordada ótetin jármeńkede óz ónimderin BQO usynady

NUR-SULTAN. QazAqparat – Aldaǵy demalys kúnderi, ıaǵnı 28 jáne 29 tamyzda elordada óńirlik aýyl sharýashylyǵy jármeńkesinde Batys Qazaqstan oblysynyń taýar óndirýshileri saýda jasaıdy.

Dástúrli túrde jármeńke «Han Shatyr» saýdy, oıyn-saýyq ortalyǵy janyndaǵy alańda ótedi, dep habarlaıdy QazAqparat qala ákimdiginiń resmı saıtyna silteme jasap.

Jármeńkede Batys Qazaqstan oblysynyń aýyl sharýashylyǵy taýaryn óndirýshi 80 kásipker 120 tonna ónim ákeledi.

Onyń ishinde 65 tonna sıyr eti men jylqy eti, 15 tonna shujyq jáne konservi ónimi, 5 tonna jańa aýlanǵan balyq, 20 tonna un jáne makaron ónimi, 5 tonna ósimdik maıy, 3 tonna sút ónimi, 5 tonna túrli sýsyn, 2 tonna kondıterlik ónim, 36 myń jumyrtqa bar.

Dástúrli túrde jármeńke baǵasy naryqtan 10-20% arzan bolady.

Jármeńke kezinde qatysýshylar men kelýshiler sanıtarlyq normalar men karantın talaptaryn qatań saqtaýy kerek: maska rejımi, áleýmettik qashyqtyq jáne qol gıgıenasy.

Esterińizge sala keteıik, óńirlik aýyl sharýashylyǵy jármeńkeleriniń maýsymy Nur-Sultanda 31 qazanǵa deıin jalǵasady.