Demalys kúnderi eldiń soltústigi men ortalyǵynda 3 gradýsqa deıin úsik júredi

NUR-SULTAN. QazAqparat – Aldaǵy demalys kúnderi aýa raıy salqyn bolady. Skandınavııa túbeginiń aýdanynan jyljyǵan antıtsıklon Qazaqstan aýmaǵyna áser etedi, dep habarlaıdy QazAqparat.

«Atmosferalyq frontaldy bólikterdiń ótýimen, 11-12 qyrkúıekte jaýyn-shashynnyń yqtımaldyǵy respýblıkanyń basym bóliginde baıqalady. Eldiń soltústiginde, shyǵysynda, ońtústik-shyǵystyń taýly aýdandarynda qatty jel soǵyp, jańbyr jáne burshaq jaýýy múmkin. 10-12 qyrkúıekte batysta, 10 qyrkúıekte shyǵysta, 11-12 qyrkúıekte soltústik-batysta, 12 qyrkúıekte soltústik jáne ortalyqta túnde topyraq betinde 1-3 gradýs úsik júredi», - delingen habarlamada.