Demalys kúnderi Astanada 10 myń tekshemetrden astam jańbyr sýy sorylyp alyndy

ASTANA. QazAqparat - Ótken demalys kúnderi elordada jaýyn-shashynnyń bir aılyq mólsheri jaýdy. Sonyń nátıjesinde qaladaǵy keıbir kóshelerde kólik qozǵalysy shekteldi.

Elordanyń kommýnaldyq qyzmetteri kúsheıtilgen rejımde jumys isteýde, dep habarlady elorda ákimdiginiń resmı portaly.

Astana qalasy kommýnaldyq sharýashylyq basqarmasynyń habarlaýynsha, eki kúnniń ishinde (16-17 mamyr) qalalyq kommýnaldyq qyzmetterdiń kúshimen 10 myń tekshemetr jańbyr sýy sorylyp alyndy.. 17 mamyr kúni «Almaty» aýdanynda 4242 tekshemetr, «Saryarqa» aýdanynda 2989 tekshemetr, «Esil» aýdanynda 1177 tekshe metr jańbyr sýy soryldy. Búgin 80 jýyq mamandandyrylǵan tehnıka tıisti jumystardy júrgizýge tartyldy.

Qazgıdromettiń habarlaýynsha, jaýyndy aýa-raıy úsh kún boıy saqtalmaq. Atap aıtsaq, 18 mamyrda jańbyr jaýyp, ońtústik batystan 9-14 m/s jyldamdyqpen jel soǵady. Aýa temperatýrasy túnde +10+12°S, kúndiz +18+20°S quraıdy.

Sonymen qatar, sınoptıkterdiń boljamynsha, mamyr aıynyń 19-20 juldyzdarynda da kún jaýyn-shashyndy bolady.