Demalys kúnderi úsik júrip, qubylmaly aýa raıy saqtalady

<p>ASTANA. KAZINFORM — Qazgıdromet sınoptıkteri 7-9 qyrkúıek aralyǵyna arnalǵan úsh kúndik aýa raıy boljamyn usynady. </p>

Qazaqstannyń basym bóliginde aýa raıynyń turaqsyz sıpaty saqtalady.

Jańbyr jaýyp, ońtústik óńirlerde naızaǵaı jarqyldaıdy.

7 qyrkúıekte respýblıkanyń soltústiginde, ońtústiginde jáne ońtústik-shyǵysynda qatty jańbyr jaýyp, shyǵysta jáne ońtústik-shyǵysta taýly aýdandarda jaýyn-shashyn (jańbyr, qar) jaýady.

Tek eldiń batysynda, soltústik-batysynda ǵana antıtsıklon áserinen jaýyn-shashyn jaýmaıdy. 

Qazaqstan boıynsha jel kúsheıedi.

Túngi jáne tańerteńgi saǵattarda soltústik, shyǵys, ortalyq aımaqtarda tuman túsedi.

7 qyrkúıekte soltústikte, shyǵysta jáne ortalyqta, 8 qyrkúıekte Qostanaı oblysynda, elimizdiń ońtústik-shyǵysyndaǵy taýly aýdandarynda topyraq betinde 3 gradýsqa deıin úsik júredi.