Demalys kúnderi Pavlodar oblysynda qar jaýyp, kóktaıǵaq bolady

<p>ASTANA.KAZINFORM - Oblystyń tótenshe jaǵdaılar departamenti aýa raıy týraly eskertý jarııalap, 12 qazan kúni aýa temperatýrasy kúrt tómendeıtinin habarlady. Sonymen birge qar jaýýy yqtımal.</p>

Qutqarýshylardyń málimetinshe, 12 qazanda Pavlodar oblysynda túnde oblystyń soltústigi men shyǵysynda qalyń qar jaýyp, burqasyn bolady, sonyń saldarynan kóktaıǵaq bolýy múmkin. Búginniń ózinde jel sekýndyna 15-20 metrge deıin kúsheıedi.

— 12 qazanda 15-20 m/s, oblystyń batysy men soltústiginde ekpini 23-28, keı jerlerde 30 m/s jáne odan da kóp bolady. 11 qazanda kúndiz aýa temperatýrasynyń kúrt tómendeýi baıqaldy, 12 qazanda túnde 2-7 gradýs aıazǵa deıin, kúndiz 0-5 gradýs aıazǵa deıin tómendeıdi. Bul týraly Pavlodar oblysynyń Tótenshe jaǵdaılar departamenti habarlady.

Sınoptıkterdiń uzaq merzimdi boljamy boıynsha, óńirde qazan aıynyń ekinshi onkúndiginde aýa temperatýrasy kúndiz 7-12 gradýsqa deıin kóterilýi múmkin. Jaýyn-shashyn normadan joǵary bolady dep boljandy.

Buǵan deıin «Qazgıdromet» Qazaqstan boıynsha 12-14 qazan kúnderi qar jaýatynyn habarlaǵan bolatyn. Sonymen qatar, jel kúsheıip, tańerteń tuman túsedi.

Búgin Soltústik Qazaqstan oblysynda kún kúrt sýytty. Túnde jaýǵan qardyń sońy boranǵa ulasty. Sınoptıkter mundaı aýa raıy taǵy eki kúnge sozylatynyn atap ótti. Al saǵat 17:00-de Aqmola oblysynda kúnniń buzylýyna baılanysty Astana-Petropavl avtojoly qozǵalysyna shekteý engizildi.