Demalys kúnderi Medeý-Shymbulaq baǵytyndaǵy avtobýstar 01:35-ke deıin júredi

<p>ALMATY. KAZINFORM - Demalys jáne mereke kúnderi qala ishinen Medeý men Shymbulaqqa qaraı qatynaıtyn №12 avtobýstarǵa jolaýshylar syımaı qalyp jatady. Bul baǵyttaǵy qoǵamdyq kólikte adamdardyń talasa mingen beınejazbalary áleýmettik jelide jıi taraıdy. Osy oraıda, Kazinform tilshisi Qalalyq mobıldilik basqarmasynan atalǵan baǵyt boıynsha jańa avtobýs marshrýtyn júrgizý qanshalyqty múmkin ekenin surady.</p>

Basqarma jaýabyna sáıkes, «Almaty-1 vokzaly – Medeý» baǵytyndaǵy №12 marshrýtqa «Almatyelektrotrans» JShS kommýnaldyq avtobýs parki qyzmet kórsetedi. Qyzmet kórsetý sapasyn arttyrý maqsatynda, 2024 jyldyń basynda marshrýttyń jyljymaly quramy 2023 jylǵy jańa Yutong markaly avtobýstarmen jańartylǵan.

Sondaı-aq buryn jumys kúnderi marshrýtta 12 avtobýs, demalys jáne mereke kúnderi – 16 avtobýs qyzmet kórsetse, qazirgi ýaqytta, syrǵanaý maýsymynyń ashylýyna jáne «Medeý» kelýshileriniń artýyna baılanysty marshrýt qosymsha 4 avtobýspen kúsheıtilgen. Osylaısha, jumys kúnderi marshrýtta 16 avtobýs, demalys jáne mereke kúnderi 20 avtobýs qatynaıtyn boldy.

- Marshrýttyń jumys ýaqyty jumys kúnderi 23:35-ten 01:00-ge deıin, demalys jáne mereke kúnderi 24:00-den 01:35-ke deıin uzartyldy. Búgingi kúni qosymsha marshrýt uıymdastyrý máselesi qarastyrylyp jatqan joq, - dep habarlady Qalalyq mobıldilik basqarmasynan.

Eske salaıyq, buǵan deıin 2025 jyly «Alma-Arasan» radon kózi jańartylatyny týraly jazǵanbyz.