Delta Bank salymshylarynyń qarajaty senimdi qorǵalǵan - Ulttyq bank

ASTANA. QazAqparat - Delta Bank salymshylarynyń qarajaty senimdi qorǵalǵan. Bul týraly Úkimettiń selektorlyq rejimdegi otyrysynan keıingi brıfıngte QR Ulttyq bank tóraǵasy Danııar Aqyshev málim etti, dep habarlaıdy QazAqparat.

«Jeke tulǵalardyń qarajattary, salymdary depoıztterdi kepildendirýdiń qazaqstandyq qorymen tolyqtaı jabylady. Soǵan sáıkes, Delta Bank-tegi azamattardyń salymdary qorǵalǵan. Taratý protsedýrasy bastala salysymen depozıtterdi kepildendirýdiń qazaqstandyq qory reglamentpen bekitilgen merzimde bank-agentteri arqyly barlyq qarjyny aýdarady jáne azamattar óz qarajattaryn alady», - dedi Danııar Aqyshev.

Buǵan deıin QR Ulttyq banki tóraǵasynyń orynbasary Oleg Smolıakov «Delta Bank» AQ-nyń banktik jáne ózge de operatsııalardy júrgizýge, qundy qaǵazdar naryǵynda qyzmet atqarýǵa arnalǵan lıtsenzııasynyń qaıtarylyp alynýyna qatysty BAQ ókilderinen túsip jatqan saýaldarǵa jaýap bergen bolatyn.