«Delta Bank» Qazaqstannyń jeti qalasyndaǵy bólimshesin japty

ASTANA. QazAqparat - «Delta Bank» AQ jeti qaladaǵy bólimshesin jabatynyn málim etti, dep habarlaıdy «QazAqparat» HAA tilshisi Qazaqstan qor bırjasyna silteme jasap.

Osylaısha, Atyraý, Aqtóbe, Oral, Qaraǵandy, Taraz, Pavlodar, Petropavl qalalaryndaǵy bólimsheleri búgingi kúnmen eseptik tirkeýden shyǵaryldy.

Buryn habarlanǵandaı, QR Ulttyq banki «Delta Bank» AQ-nyń jeke jáne zańdy tulǵalardan depozıt qabyldaýǵa, jeke jáne zańdy tulǵalarǵa bank shotyn ashý úshin lıtsenzııasyn toqtatqan edi.

Bank 1993 jyldyń 1 qyrkúıek kúni Aqtaý qalasynda Batys Qazaqstan iri munaı-gaz kompanııalarynyń bastamasymen qurylǵan bolatyn. 

foto: kursiv.kz