Delı-Almaty reısinde tyrysqaqqa kúdikti jolaýshy anyqtaldy: basqalarǵa juǵý qaýpi bar ma

<p>ASTANA. KAZINFORM &ndash; Delı-Almaty baǵyty boıynsha Air Astana reısiniń bortynda sanıtarlyq-karantındik baqylaýdy júzege asyrý barysynda tyrysqaqqa kúdikti jolaýshy anyqtaldy. Osy oraıda kúdiktiniń tyrysqaqty basqa adamdarǵa juqtyrý qaýpine qatysty túsinik berildi.</p>

«Bort ekıpajynyń barlyq quramy (8 adam) ınfektsııalyq statsıonarǵa jiberildi. Onyń 4-i úı karantınine, 4-i statsıonarǵa jatqyzyldy. Jolaýshymen baılanysqan adamdar arasynda naýqastar nemese tyrysqaq tasymaldaýshylary anyqtalǵan joq. Ekıpajdyń barlyq múshesiniń jaǵdaıy qanaǵattanarlyq, densaýlyqtaryna shaǵym joq», - dedi Almaty qalasy sanıtarlyq-epıdemıologııalyq baqylaý departamentiniń basshysy Qasymhan Alpysbaıuly. 

Aıta ketsek, birer kún buryn «Delı-Almaty» áýe reısinde tyrysqaqqa kúdikti jolaýshy anyqtalǵany týraly habarlaǵan edik. 

Densaýlyq saqtaý mınıstrliginiń dereginshe, Qyrǵyz Respýblıkasynyń azamaty Delıden Qyrǵyzstanǵa Almaty qalasy arqyly barmaq bolǵan.