«Delta» shtamy álemniń 100-ge jýyq elinde tirkeldi – DDSU

NUR-SULTAN. Anadoly-QazAqparat – Koronavırýstyń alǵash ret Úndistan elinde anyqtalǵan shtamm álemniń 100-ge jýyq elinde tirkeldi. Bul týraly Dúnıejúzilik densaýlyq saqtaý uıymynyń Bas hatshysy Tedros Adanom Gebreıesýs málim etti, dep habarlaıdy QazAqparat Anadoly agenttigine silteme jasap.

Bas hatshy «Delta» shtamy álemniń kem degende 98 elinde tirkelgenin eskertti.

Onyń aıtýynsha, bul shtamm vaktsınalaý deńgeıi tómen ne joǵary bolsyn – barlyq elderde jyldam taralyp otyr.

«Delta» shtamy óte qaýipti, ol tez taralyp, mýtatsııalanady», - dep málim etti Gebreıesýs.