Deklaratsııa tapsyrý 31 jeltoqsanǵa deıin jalǵasady – Kirister komıteti

<p>Qazaqstandyqtar tabysyn kórsetetin deklaratsııany jyl sońyna deıin rastaı alady, dep habarlaıdy<a href="https://kaz.inform.kz/" target="_blank" rel="noopener"> Kazinform</a>.&nbsp;</p>

«Qazirgi ýaqytta zańdy tulǵalar men bıznes ókilderi deklaratsııa tapsyrady. Qorytyndylaý jyl sońynda júrgiziledi. Azamattar 31 jeltoqsanda da deklaratsııa tapsyrýy múmkin. Deklaratsııa tapsyrýdyń negizgi maqsaty – kóleńkeli ekonomıka deńgeıin tómendetý. Azamattar nesıe, ıpotekaǵa alǵanda baǵalaýshy qatysady. Nelikten qazir ıpotekasy bar adamnyń nesıesi, qaryzy bar, olarǵa taǵy bir ret baǵa berý kerek», - dedi Qarjy mınıstrligi memlekettik kirister komıtetiniń óndiristik emes tólemderdi, jeke tulǵalardy jáne arnaýly salyq rejımderin ákimshilendirý departamentiniń dırektory Nurjan Qýandyqov Ortalyq kommýnıkatsııalar qyzmeti alańynda ótken baspasóz máslıhatynda.

Deklaratsııany toltyrar aldynda, 2023 jyldyń 31 jeltoqsanyna deıin mynadaı daıyndyq jumystaryn júrgizý qajet:

tıisti rastaıtyn qujattardy daıyndaý; notarıýstarmen nesıe sharttaryn kýálandyrý; qarajatty (10 000 AEK – 34,5 mln. teńgeden astam) bank shottaryna ornalastyrý;

Qazaqstandaǵy aktıvter men mindettemelerdiń bar-joǵyn mynadaı saıttarǵa kirý arqyly tekserý: 1) baǵaly qaǵazdar boıynsha https://portal.kacd.kz; 2) turǵyn úı qurylysyna úlestik qatysý týraly sharttar boıynsha https://homeportal.kz; https://www.gov.kz/services/3910?lang=ru; 3) zııatkerlik menshik obektileri boıynsha, avtorlyq quqyq https://gosreestr.kazpatent.kz; 4) senimgerlik basqarýǵa berilgen múlik boıynsha https://egov.kz/cms/ru/services/pass077_mu áreketterdi oryndaý usynylady.

Debıtorlyq/kredıtorlyq bereshektiń (nesıe sharty) bolýy úshin Doculite júıesi arqyly Respýblıkalyq notarıattyq palataǵa suraý salý qajet.