Deklaratsııany qaǵazben tapsyrý merzimi búgin aıaqtaldy, 15 qyrkúıekke deıin onlaın qabyldanady

ASTANA. QazAqparat - Memlekettik kirister komıteti búgin, ıaǵnı 17 shildede jalpyǵa birdeı deklaratsııalaý boıynsha salyq esebin qaǵaz túrinde tapsyrý merzimi aıaqtalatynyn eske salady.

Búgingi tańda 1,5 mln astam jeke tulǵa 250.00 nysandy «kirý» deklaratsııasyn usyndy.

Qazaqstanda 1 qańtardan bastap jalpyǵa birdeı deklaratsııalaýdyń ekinshi kezeńi bastaldy.

Bul kezeńde aktıvter men mindettemeler týraly deklaratsııany (250.00 nysan) alǵash ret memlekettik mekemeler men kvazımemlekettik sektor qyzmetkerleri men olardyń jubaılary tapsyrady.

«Deklaratsııany ýaqytyly tapsyryńyz! Qaǵaz túrinde jalpyǵa birdeı deklaratsııalaý boıynsha salyq esebin tapsyrý merzimi 15 shildede, elektrondy túrde 15 qyrkúıekte aıaqtalady. Eger merzimniń sońǵy kúni jumys kúni bolmasa, onda merzim kelesi jumys kúniniń sońynda aıaqtalady»,- dep eskertti MKK.

Memlekettik mekemeler men kvazımemlekettik sektor qyzmetkerleri jáne olardyń jubaılary ártúrli servısterdi paıdalana otyryp, deklaratsııa usyna alady («Salyq tóleýshiniń kabıneti» (cabinet.salyk.kz), e-salyq Azamat mobıldi qosymshasy, eGov.kz portaly jáne egov mobile mobıldi qosymshasy).

Jeke tulǵalar deklaratsııany turǵylyqty jeri boıynsha, al jeke kásipkerler men jeke praktıkamen aınalysatyn adamdar ornalasqan jeri boıynsha tabys etedi.