Ədebıet salasyndaǵy alǵashqy «Altyn tobylǵy» syılyǵynyń jeńimpazdary marapattaldy
Qazylar alqasy 2015 jyldyń shildesinen bastap ótinish bergen 120 ədebı týyndynyń arasynan eń jaqsy jazatyn tórt qalam ıesin tańdap alǵan. Atap aıtsaq, «Eń jaqsy proza» nomınatsııasynda 20 jastaǵy Óskemen qalasynyń turǵyny Araı Ertarǵynova, «Eń jaqsy dramatýrgııa» nomınatsııasynda Ənnəs Baǵdat, «Eń jaqsy balalar ədebıeti» nomınatsııasynda Alekseı Varzaev «Altyn tobylǵy» syılyǵy men 1 mln. teńge kóleminde aqshalaı syılyqqa ıe boldy. Al belgili jýrnalıst Esbolat Aıdabosyn «Məńgilik el» taqyrybyndaǵy týyndysy úshin 1,5 mln. teńge kóleminde arnaıy syılyqty ıelendi.
«Memleket basshysy jastarymyzdyń shyǵarmashylyq áleýetin damytýǵa únemi kóńil bóledi. Sondyqtan da, Tuńǵysh Prezıdenttiń qory bıyl alǵash ret osy júldeni tabystap otyr. Endi jyl saıyn «Altyn tobylǵy» ádebı júldesi óz laýreattaryn kútedi. Jobanyń maqsaty - jas qalamgerlerdiń shyǵarmalaryn halyqqa tanystyrý, olardyń jańasha oıdaǵy týyndylaryn toptastyrý»,-dedi saltanatty sharada Tuńǵysh Prezıdent Qorynyń atqarýshy dırektory Saǵyndyq Nuraqanov.
Jalpy, «Altyn tobylǵy» syılyǵyn Elbasy-Qazaqstan Respýblıkasy Tuńǵysh Prezıdenti Qory uıymdastyryp, quryltaıshysy atanyp otyr. Joba 18-35 jas aralyǵyndaǵy jas avtordy yntalandyrýǵa baǵyttalǵan. Jobanyń seriktesteri - Qazaqstan Jazýshylar odaǵy men Memlekettik tildi damytý qory.