DDU: Mıllıardtaǵan adam lastanǵan aýamen tynys alýda
Qazirgi kezde 117 eldiń 6 myńnan astam qalasynda aýa sapasyna monıtorıng jasalýda.
Lastanǵan aýanyń quramynda usaq qatty bólshekter men azot dıoksıdi joǵary, bul jaǵdaı, ásirese, tabysy tómen jáne ortasha elderde jıi kezdesedi. DDU qazbaly otyndy paıdalanýdy shekteýge jáne aýanyń lastanýyn azaıtý úshin basqa da sharalar qoldanýǵa úndep otyr.
Bul derekter bıyl «Bizdiń planeta — bizdiń densaýlyǵymyz» uranymen ótetin Dúnıejúzilik densaýlyq kúni qarsańynda shyǵarylǵan DDU aýa sapasy týraly 2022 jylǵy jańartylǵan aqparat qorynan alynǵan. Derekter bazasy álemdegi aýanyń jaı-kúıin baqylaý maqsatynda quryldy jáne Turaqty damý maqsattaryna qol jetkizýdegi ilgerileýdi baqylaý úshin paıdalanylady.
Aýa quramyndaǵy lastaýshy zattardyń tómen deńgeıi de densaýlyqqa aıtarlyqtaı zııan keltiredi. Qatty bólshekter ókpege tereń enip, qan aınalymy júıesine sińip, júrek-qantamyr jáne tynys alý júıelerine áser etedi. Aýadaǵy azot dıoksıdiniń mólsheri tynys alý organdary aýrýlaryn, atap aıtqanda demikpe týdyrady.
El úkimetteriniń aýanyń sapasyn jaqsartý úshin jasaı alatyn qadamdarǵa: DDU talaptaryna sáıkes keletin ulttyq standarttar engizý, aýa sapasyna monıtorıng júrgizý, tek ekologııalyq taza turmystyq energııaǵa kóshý, shyǵaryndylar salasy men kólik quraldarynyń effektıvtiligine qatań standarttar qoıý, sondaı-aq energotıimdi turǵyn úı men elektr energııasyn óndirýge ınvestıtsııa salý jatady.