DDU maımyl sheshegine qarsy alǵashqy vaktsınany maquldady

<p>ASTANA. KAZINFORM &ndash; Danııalyq Bavarian Nordic A/S kompanııasynyń MVA-BN vaktsınasy aldyn ala biliktilikten ótip, maımyl sheshegine qarsy alǵashqy vaktsına boldy. Bul týraly <a href="https://www.who.int/news/item/13-09-2024-who-prequalifies-the-first-vaccine-against-mpox" target="_blank" rel="noopener">DDU</a> jazdy.</p>

– Bavarian Nordic A/S óndirýshisiniń MVA-BN vaktsınasy Dúnıejúzilik densaýlyq saqtaý uıymynyń (DDSU) aldyn ala biliktiliginen ótip, maımyl sheshegine qarsy alǵashqy dári boldy, - delingen habarlamada. 

MVA-BN vaktsınasyn 18 jastan asqan adamdarǵa tórt apta aralyqpen eki ınektsııa túrinde egiledi. Tońazytqyshta bastapqy saqtaýdan keıin vaktsınany segiz apta boıy +2 ... +8 gradýs temperatýrada qaldyrýǵa bolady.

– Maımyl sheshegine qarsy vaktsınanyń aldyn ala biliktiligi Afrıkadaǵy qazirgi epıdemııa kezinde de, bolashaqta da osy aýrýmen kúresýdegi mańyzdy qadam sanalady. Endi biz vaktsınalardyń eń qajet bolǵan jerlerinde ádil taralýyn qamtamasyz etý úshin satyp alýdy, donorlyqty jáne olardy qoldanýdy shuǵyl túrde keńeıtýimiz kerek, - dedi DDU bas dırektory Tedros Adanom Gebreısýs. 

DDU málimetteri boıynsha, MVA-BN bir rettik dozasy maımyl shesheginen qorǵaýda 76 paıyz tıimdi, al eki doza 82 paıyz tıimdi dep baǵalanǵan. 

Aıta keteıik, Afrıkada maımyl sheshegine shaldyqqandar sany 22,8 myńǵa jetti.

DDSU maımyl sheshegimen kúresý úshin 135 mln dollarlyq jahandyq jospardy iske qosty.