DDU maımyl sheshegi jaǵdaıyna baılanysty shuǵyl otyrys ótkizbek

<p>ASTANA. KAZINFORM &ndash; Dúnıejúzilik densaýlyq saqtaý uıymynyń basshysy Tedros Gebreısýs Kongo Demokratııalyq Respýblıkasynda mpox-tyń (maımyl sheshegi) halyqaralyq mańyzy bar qoǵamdyq densaýlyq saqtaý salasyna áserin talqylaý úshin tótenshe jaǵdaı komıtetin shaqyrtý týraly málimdedi. Bul jaıly <a href="https://www.reuters.com/world/africa/who-convene-emergency-committee-mpox-outbreak-congo-2024-08-07/" target="_blank" rel="noopener">Reuters</a> agenttigi habarlap otyr.</p>

Kongo Demokratııalyq Respýblıkasynda maımyl shesheginiń (mpox) órshýi eksponentsıaldy túrde taralýda, 450-den astam adam qaıtys bolyp, 27000-nan astam jaǵdaı tirkeldi. 2023 jyldyń basynan bastap mpox 1100-den astam adamnyń ómirin qıdy, olardyń deni – balalar.

Dúnıejúzilik densaýlyq saqtaý uıymy habarlaǵandaı, Býrýndı, Kenııa, Rýanda jáne Ýgandada maımyl shesheginiń taǵy 50 jaǵdaıy rastalǵan. Buryn bul elderde atalǵan dert tirkelmegen.

Osyǵan baılanysty DDU bas dırektory Tedros Gebreısýs kórshi elderde maımyl shesheginiń taralýyna jáne Afrıkada jáne odan ári halyqaralyq taralý múmkindigine baılanysty tótenshe jaǵdaılar komıtetin shaqyrýǵa sheshim qabyldaǵanyn aıtty.

11 shildede DDU jańa mpox shtamynyń jahandyq qaýpi týraly eskertken edi. Ońtústik Afrıka epıdemıologtarynyń tujyrymdaryna sáıkes, Clade 1B shtamy negizinen jynystyq jolmen beriledi. Ólim shamamen 5% quraıdy.

DDU jaýap berýdi keńeıtýdi qoldaý úshin DDU Tótenshe jaǵdaılar rezervtik qorynan 1 mıllıon dollar bóldi. Qosymsha qarajat bólý josparlanýda. Bul týraly Tedros Gebreısýs jýrnalıstermen sóılesken kezde málimdedi.