DDU Eýropalyq óńirlik komıtetiniń 73-shi sessııasy Astanada ótedi
11:28, 16 Naýryz 2023
ASTANA. QazAqparat – Dúnıejúzilik densaýlyq saqtaý uıymy Eýropalyq óńirlik komıteti 73-shi sessııasyn Astana qalasynda ótkizedi. Bul týraly «Ashyq» NQA portalynda jarııalanǵan kesim jobasynda jazylǵan, dep habarlaıdy QazAqparat tilshisi.
«QR Úkimeti men Dúnıejúzilik densaýlyq saqtaý uıymy arasyndaǵy Eýropalyq óńirlik komıtetiniń jetpis úshinshi sessııasyn 2023 jyly 24-26 qazanda Astana qalasynda uıymdastyrý týraly kelisimniń jobasy maquldansyn», - delingen kelisim qujatynda.
Atalǵan kelisimge el Úkimeti atynan qol qoıý ókilettigi Densaýlyq saqtaý mınıstri Ajar Ǵınııatqa beriledi.
Qujat 4 sáýirge deıin kópshilik talqylaýda bolady. Keıin qol qoıylǵan kúnnen kúshine enedi.