DDU álemniń kóshbasshy elderine úndeý jasady

JENEVA. QazAqparat – Dúnıejúzilik densaýlyq saqtaý uıymy álemniń eń bedeldi 20 kóshbasshysyn qazanǵa deıin pandemııa tolqynyn toqtatý úshin koronavırýs ınfektsııasyna qarsy vaktsınaǵa qoljetimdilikte teńsizdikti joıýǵa shaqyrdy, dep habarlaıdy QazAqparat The Newpaper-ge silteme jasap.

Act Accelerator COVID-19-ben kúresý quraldaryna qol jetimdilikti jedeldetý bastamasynyń jetekshisi Brıýs Eılvard koronavırýs ınfektsııasyna qarsy vaktsınalarǵa qoljetimdiliktiń teńsizdigin «uıat» dep atady jáne saıası kóshbasshylar men bıznes-magnattardy kedeı elderdi vaktsınamen qamtýǵa shaqyrdy.

Atap aıtqanda, ol álemniń eń yqpaldy 20 kóshbasshysyn qyrkúıek aıynyń sońyna deıin teńsizdik máselesin sheship, álemniń ár elindegi halyqtyń 10 paıyzyn vaktsınatsııalaýǵa shaqyrdy. AFP baǵalaýy boıynsha, búkil álemde shamamen 4,5 mıllıard vaktsına dozasy qoldanylǵan.

Halyqaralyq banktiń málimetterine sáıkes, kirisi joǵary elderde 100 adamǵa shaqqandaǵy doza sany 104-ti quraıdy, al kirisi tómen 29 elde 100 adamǵa eki dozadan keledi.