DDU: Álemniń 194 elinde vaktsına egý jumysy júrgizilip jatyr

JENEVA. TASS-QazAqparat – Dúnıejúzilik densaýlyq saqtaý uıymynyń bas dırektory Tedros Adanom Gebreıesýs Jenevada ótken brıfıngide 220 memlekettiń 194 elinde koronavırýsqa qarsy vaktsınatsııa bastalǵanyn málim etti, dep habarlaıdy QazAqparat TASS agenttigine silteme jasap.

«Qazirgi ýaqytta 220 eldiń 194-i koronavırýsqa qarsy vaktsınatsııany bastady, 26 el áli bastaǵan joq», - dep málimdedi ol.

DDU basshysynyń aıtýynsha 26 eldiń jeteýi ekpe naýqanyn bastaýy múmkin. Taǵy bes el jaqyn arada vaktsına alýy tıis. Qalǵan 14 el ımmýndaý jumystaryn túrli sebepter boıynsha bastamaǵan. Gebreıesýs atap ótkendeı, keıbiri daıyn bolmasa, ózgeleri aldaǵy aptalar men aılarda vaktsınalaýdy bastaýdy josparlap otyr.