DDU: 2012 jyly 8 mıllıonnan astam adam qaterli isikten kóz jumdy
Bul týraly Dúnıejúzilik densaýlyq saqtaý uıymy (DDU) mamandandyrylǵan mekemesi - Qaterli isikti zertteý boıynsha halyqaralyq agenttigi habarlaıdy.
Agenttiktiń sońǵy málemetterine qaraǵanda, 2012 jyly búkil álem deńgeıinde onkologııalyq aýrýǵa shaldyqqan adamdardyń sany 14,1 mln-ǵa jetken, al qaterli isikten 8,2 mln adam kóz jumǵan. 2008 jyly bul kórsetkishter tómenirek bolǵan - 12,7 mln adamǵa qaterli isik dıagnozy qoıyldy, al onkologııalyq aýrýdan 7,6 mln adam ajal qushty, dep habarlaıdy BUU baspasóz qyzmetinen.
Ótken jyly qaterli isiktiń eń keń taraǵan túri - ókpeniń (1,8 mln), keýdeniń (1,7 mln) jáne tik ishektiń (1,4 mln) qaterli isigi bolǵan. Bolashaqqa jasalǵan boljamdar da kóńil kónshitpeıdi. Sarapshylar 2025 jyly ǵalamshar halqynyń qartaıýy saldarynan jyl saıyn 19,3 mln adam onkologııalyq aýrýǵa shaldyǵady dep boljaıdy.
Sońǵy baǵalaýlarǵa sáıkes, dúnıejúzinde ár 5-shi er adam jáne ár 6-shy áıel adam 75 jasqa deıin qaterli isikpen aýyrady. Al ár segizinshi er adam jáne ár 12-shi áıel adam onkologııalyq aýrýdan kóz jumady, dep jazady Rosbalt.