DDSU jańa vaktsınalardy synaqtan ótkizý jumystaryn jyldamdatýǵa shaqyrdy
DDSU esebi jańa vaktsınalardy synaqtan ótkizýdi tezdetý jáne qolda bar vaktsınalardy barynsha belsendi paıdalaný qajettigin kórsetedi. Mıkrobqa qarsy turaqtylyqtyń «tynysh» pandemııasy qoǵamdyq densaýlyq saqtaý úshin mańyzdy problemaǵa aınalyp otyr.
Tek tózimdi bakterııalyq ınfektsııalardan jyl saıyn shamamen 5 mıllıon adam kóz jumady, 1,27 mıllıon adam ólimi preparattarǵa tózimdilikpen tikeleı baılanysty.
Bakterııalar, vırýstar, mıkozy men parazıtter ózgerip, dári-dármekter áser etpeıtin kezde turaqtylyq paıda bolady jáne ony emdeý qıyn.
DDSU klınıkalyq daıyndyq pen synaqtyń ártúrli satylarynan ótetin 61 vaktsınany bóldi. Esepte olardyń kópshiligin taıaý ýaqytta tabý qıyn bolatyny atalyp ótilgen.
«Vaktsınatsııa arqyly ınfektsııalardyń aldyn alyp, antıbıotıkterdi qoldanbaýǵa bolady. Bul turaqtylyqtyń taralýyn azaıtady. Alaıda, turaqtylyq saldarynan ólimge jaýap beretin 6 negizgi bakterııalyq qozdyrǵyshtyń tek bireýine – pnevmokokkqa qarsy vaktsına bar», - dedi DDSU bas dırektorynyń kómekshisi Hanan Balhı.
Áleýetti tórt bakterıalyq – pnevmokokqa, gemofıldi ınfektsııaǵa, týberkýlezge jáne ish súzegine qarsy vaktsınalar ázirlengen.
«Vaktsına daıyndaý – óte qymbat jáne ǵylymı turǵydan kúrdeli is. Kópshiligi sátsizdikke ushyraıdy, al sátti úmitkerler qıyn protsesten ótedi. Biz COVID-19-ǵa qarsy vaktsınalar ázirleýdegi sabaqty qoldanýymyz kerek jáne mıkrobtarǵa qarsy preparattarǵa turaqtylyqpen kúresý úshin vaktsına izdeýdi tezdetýimiz kerek», - dedi DDSU ımmýndaý, vaktsınalar jáne bıologııalyq preparattar departamentiniń dırektory Keıt O ' Braıen.