DDSU VICh-ınfektsııasynyń aldyn alatyn jańa preparatty paıdalanýǵa keńes berdi

NUR-SULTAN. QazAqparat – Dúnıejúzilik densaýlyq saqtaý uıymy (DDSU) AITV-juqpasynyń janasýǵa deıingi aldyn alý quraly retinde uzaq áser etetin ınektsııalyq kabotegravırdi (KAB-DD) paıdalaný boıynsha jańa usynystardy jarııalady. Bul týraly QazAqparat BUU Jańalyqtar ortalyǵyna silteme jasap habarlaıdy.

DDSU elderdi AITV juqtyrý qaýpi joǵary toptardaǵy adamdarǵa osy profılaktıkalyq preparatqa qol jetkizýdi qamtamasyz etýge shaqyrady.

2021 jyly AITV-ınfektsııasynyń 1,5 mln jańa jaǵdaıy tirkeldi. Ótken jyly kún saıyn 4000 jańa AITV ınfektsııasy anyqtalǵan. Álemdegi AITV-ınfektsııasy jaǵdaılarynyń 70 paıyzy negizgi qaýip-qater toptaryna (seks-ındýstrııa jumyskerleri, er adamdarmen jynystyq qatynasqa túsetin er adamdar, ınektsııalyq esirtki qoldanatyn adamdar, tutqyndar men transgenderler) jáne olardyń jynystyq seriktesterine tıesili.

«Uzaq áser etetin kabotegravır - AITV-ınfektsııasynyń aldyn alýdyń qaýipsiz jáne tıimdiligi joǵary quraly, alaıda ázirge ol tek klınıkalyq zertteýler sheńberinde ǵana paıdalanylyp júr. Jańa usynystar AITV-ny aldyn alýdyń basqa ádisterimen qatar, KAB-DD josparlaý jáne engizý boıynsha elderdiń is-qımylyn jedeldetýge kómektesedi dep úmittenemiz», - dedi DDSU AITV ınfektsııasy, vırýstyq gepatıt jáne jynystyq jolmen beriletin ınfektsııalar jónindegi jahandyq baǵdarlamasynyń dırektory doktor Meg Doertı.

KAB-DD – alǵashqy eki ınektsııasy tórt apta aralyqpen, sodan keıin árbir segiz apta saıyn salynatyn uzaq áser etetin preparat.

Foto: news.un.org