Dúnıejúzilik densaýlyq saqtaý uıymynyń derekterine saı, sońǵy aptada COVID-19 juqtyrý jaǵdaılary 20% kóbeıgen – ótken jeti kúnde 19 mıllıon adam vırýs juqtyrǵan.
DDSU bul kórsetkishtiń tek resmı tirkelgen jaǵdaılar ekenin eske salady, shyn máninde vırýs juqtyrǵandar sany odan edáýir kóp bolýy múmkin.
Ólim kórsetkishi ózgerissiz qaldy, 45 myń adam vırýstan kóz jumdy.
«Keı elderde aýrýdyń eń qaýipti kezeńi ótken bolýy múmkin, alaıdy bul tek úmit beredi. Eshqandaı el qaýip tolyǵymen seıildi dep aıta almaıdy», - dedi DDSU-nyń Bas dırektory Tedros Gebreıesýs.
Onyń aıtýynsha, omıkron ınfektsııanyń asa aýyr emes formasy bolýy múmkin, alaıda ony qaýipsiz dep sanaý – qatelik.