DDSU ókilderi jaramsyz dep tapqan PTR testke qatysty aqparat jalǵan
Al buǵan dálel retinde osy jyldyń 14 jeltoqsanynda uıymnyń saıtynda jarııalanǵan habarlama negiz bolǵan. Shyn máninde, mátinde qoldanystaǵy júıe KVI dıagnostıkasy úshin jaramsyz dep tanylǵan dep aıtylmaǵan.
Jarııalanǵan habarlamada PTR taldaýy arqyly testileý ádistemesi týraly jazylǵan. Habarlamaǵa sáıkes, jalǵan oń nátıje alý qaýpi bar jáne ol da eskeriledi. Sondaı-aq, vırýstyń kontsentratsııasy tómen naýqastarda jalǵan nátıje bolýy múmkin.
– PTR qurý prıntsıpi aınalym vırýsynyń deńgeıi joǵary (vırýstyq júkteme) patsıentter úshin vırýsty anyqtaý úshin salystyrmaly túrde az tsıkl qajet bolady, sondyqtan tsıkldyń joǵary sheginiń (Ct) máni tómen bolady. Kerisinshe, úlgilerde Ct-niń máni joǵary bolsa, bul vırýsty anyqtaý úshin kóp tsıkl qajet bolǵanyn kórsetedi. Keıbir jaǵdaılarda fondyq shý men maqsatty vırýstyń naqty bolýy arasyndaǵy aıyrmashylyqty anyqtaý qıynǵa soǵady. Osylaısha, nusqaýlyqta PTR oń nátıjesiniń sheginde nemese oǵan jaqyn úlgilerdi qalaı túsindirýge bolatyndyǵy kórsetiledi», – delingen mátinde.
Odan ary jalǵan nátıjege jol bermeý boıynsha túsiniktemeler men usynystar berilgen.
Atap aıtqanda, mamandarǵa klınıkalyq belgilerdi, indetti juqtyrǵan adamdarmen baılanysýdyń rastalǵan jaǵdaılaryn jáne t.b. eskerý usynylady. Sonymen qatar, eger taldaý nátıjeleri kúmán týdyrsa, DDSU bıomaterıaldy qolmen qaıta tekserip, vırýsty anyqtaýǵa qajet Ct tsıkldarynyń sanyn kórsetýge keńes beredi.
Mátinde PTR testilerin qoldaný kezinde jalǵan nátıje alý yqtımaldyǵy joǵary bolatyny sonsha, bul olardy jaramsyz etedi dep aıtylmaǵan. Jarııalanǵan usynystar mamandardy qoldaný nusqaýlaryn muqııat oqyp shyǵýǵa jáne barynsha naqty nátıje alý úshin qajetti hattamalardy saqtaýǵa úndeıdi.