DDSU maımyl shesheginiń qaýpin baǵalaý úshin tótenshe komıtet ókilderiniń basyn qospaq

NUR-SULTAN. QazAqparat – Maımyl sheshegi álemniń 39 memleketinen anyqtaldy, dep habarlaıdy QazAqparat Dúnıejúzilik densaýlyq saqtaý uıymynyń (DDSU) saıtyna silteme jasap.

DDSU álemde maımyl shesheginiń taraý jaǵdaıyn talqylaý maqsatynda tótenshe komıtet ókilderiniń basyn qospaq.

DDSU-nyń Bas dırektory Tedros Adan Gebreıesýs maımyl shesheginiń taraý qarqyny alańdatarlyq jaǵdaıda ekenin aıtty. Komıtet májilisinde maımyl sheshegi álem turǵyndaryna qaýip tóndirip tur ma máseleniń jaýaby tabylady degen úmit bar.

Halyqaralyq uıymnyń bas dırektorynyń sózinshe, DDSU ókilderi maımyl shesheginen jappaı vaktsınalanýdyń qajeti joq ekenin aıtyp otyr.

Jyl basynan beri álemniń 39 memleketinde atalmysh dertti juqtyrǵany rastalǵandar sany 1,6 adamdy qurap otyr, taǵy 1,5 myń adam aýrýdy juqtyrýy múmkin degen boljam bar.

Osyǵan deıin maımyl sheshegin juqtyrǵandar sany Eýropa men Soltústik Amerıkada 780-ge deıin ulǵaıǵany aıtyldy.